ন শিকাৰু সকলৰ বাবে মিউচুৱেল ফাণ্ড

● আৰম্ভণি: 

        নমস্কাৰ বন্ধু-বান্ধৱীসকল। আপোনালোক সকলোকে puhorbisarijau.in ব্লগলৈ স্বাগতম জনালোঁ। আজি লিখিবলৈ লৈছোঁ ন শিকাৰু বিনিয়োগকাৰীসকলে মিউচুৱেল ফাণ্ডত কেনেকৈ বিনিয়োগৰ যাত্ৰা আৰম্ভ কৰিব। মিউচুৱেল ফাণ্ডৰ সম্পৰ্কে কেইদিনমানৰ আগতে এটা লেখা লিখিছিলোঁ। তাত মিউচুৱেল ফাণ্ড কি, মিউচুৱেল ফাণ্ডৰ প্ৰকাৰ, কিয় মিউচুৱেল ফাণ্ডত বিনিয়োগ কৰিব, মিউচুৱেল ফাণ্ডৰ সুবিধা, অসুবিধা আদি উল্লেখ কৰা হৈছিল। সেই লেখাটোৰ লিংক হ'ল- মিউচুৱেল ফাণ্ডৰ বিষয়ে। আজি ন শিকাৰু সকলৰ বাবে মিউচুৱেল ফাণ্ড সম্পৰ্কীয় এই লেখা আগবঢ়োৱা হৈছে। আশাকৰো এই লেখাই মিউচুৱেল ফাণ্ডত বিনিয়োগ কৰিব বিচৰা বিনিয়োগকাৰীসকলক উপকৃত কৰিব।

● ন শিকাৰু সকলে মিউচুৱেল ফাণ্ডত বিনিয়োগ আৰম্ভ কৰা আগতে কি কি চাব

১/ মিউচুৱেল ফাণ্ডত নতুন বিনিয়োগকাৰী সকলে যিকোনো আঁচনি বাচনি কৰা সময়ত চাব যে বিনিয়োগৰ লক্ষ্য কি? অৰ্থাৎ আপুনি কিহৰ বাবে মিউচুৱেল ফাণ্ডত বিনিয়োগ আৰম্ভ কৰিব বিচাৰিছে, বিনিয়োগ কৰা টকা কিমান সময়লৈকে আপোনাৰ প্ৰয়োজন নহব। কাৰণ বিনিয়োগ কৰা টকা পিছত নিম্নগামী হলে ধৈৰ্য ধৰিব পৰা ক্ষমতা থাকিব লাগিব, যদিও দীৰ্ঘদিনত মিউচুৱেল ফাণ্ডৰ পৰা ৰিটাৰ্ন আশা কৰিব পৰা যায়। 

২/ মিউচুৱেল ফাণ্ডত কম বিপদআশংকা আৰু বেছি বিপদআশংকা থকা ফাণ্ড উপলব্ধ, এই ক্ষেত্ৰত আপুনি সিদ্ধান্ত লব লাগিব। আপোনাৰ টকা ক'ত বিনিয়োগ কৰিব।

৩/ মিউচুৱেল ফাণ্ডৰ Expense ratio চাব লাগে। বিনিয়োগ কৰা টকাৰ কিছু শতাংশ ফাণ্ড সমূহৰ মাচুললৈ যায়, সেয়ে কম Expense ratio থকা ফাণ্ড প্ৰথমে চাব পাৰে।

৪/ মিউচুৱেল ফাণ্ড এটাৰ ফাণ্ড মেনেজাৰ সকলৰ পুৰণি অভিজ্ঞতা চাই আগবাঢ়িব।

৫/ আপোনাৰ পছন্দৰ মিউচুৱেল ফাণ্ডৰ আঁচনি অন্য মিউচুৱেল ফাণ্ডৰ সৈতে পাৰ হৈ যোৱা সময়ৰ ৰিটাৰ্ন তুলনা কৰি চাব পাৰে।

৬/ আপুনি বিনিয়োগ কৰিব বিচৰা মিউচুৱেল ফাণ্ডৰ আঁচনি সমূহৰ নথিপত্ৰসমূহ ভালদৰে পঢ়ি বিনিয়োগৰ বাবে সিদ্ধান্ত গ্ৰহণ কৰিব।

● ন শিকাৰু সকলে মিউচুৱেল ফাণ্ডত বিনিয়োগ কৰিবৰ বাবে ডিমেট একাউণ্ট কেনেকৈ খুলিব

          মিউচুৱেল ফাণ্ডত বিনিয়োগ কৰিবলৈ ন শিকাৰু সকলে Groww, Angel One, Zerodha, Upstox, Dhan ইত্যাদি এপ্লিকেচনত ডিমেট একাউণ্ট খুলি আগবাঢ়িব পাৰে বা বেংকত গৈ ডিমেট একাউণ্ট খুলিব পাৰে। এই ডিমেট একাউণ্ট সমূহৰ পৰা যিকোনো এটা এপ্লিকেচন Android phone ব্যৱহাৰকাৰী সকলে গুগল প্লে ষ্টৰ আৰু iPhone ব্যৱহাৰকাৰী সকলে App Store ৰ পৰা ডাউনলোড কৰি লব। ডিমেট একাউণ্ট খুলিবলৈ - ফোন নম্বৰ, ই-মেইল, এটা বেংক একাউণ্ট, আধাৰ কাৰ্ড, পান কাৰ্ড, চহী আৰু এখন Selfie ফটো প্ৰয়োজন হয়। ডিমেট একাউণ্ট এটা আবেদন কৰাৰ পৰা খুলিবলৈ ৩ৰ পৰা ৫দিন পৰ্যন্ত সময় লয়। একাউণ্ট খোলা প্ৰক্ৰিয়া সম্পূৰ্ণ হোৱাৰ পিছত ডিমেট এপ্লিকেচন খুলি মিউচুৱেল ফাণ্ড বাচনি কৰি SIP / Lumpsum Investment ইত্যাদি কৰিব পাৰিব।

আমাৰ দ্বাৰা আগবঢ়োৱা বিনিয়োগ আৰু সেৱাসমূহ সকলো বিনিয়োগকাৰীৰ বাবে উপযুক্ত নহ'ব পাৰে। যদি বিনিয়োগৰ গুণাগুণ সম্পৰ্কে আপোনাৰ কোনো সন্দেহ আছে, আপুনি এজন স্বতন্ত্ৰ বিত্তীয় উপদেষ্টাৰ পৰা পৰামৰ্শ লোৱা উচিত।

● সামৰণি: 

আজি মিউচুৱেল ফাণ্ডত বিনিয়োগ কৰিবলৈ নতুন বিনিয়োগকাৰীসকল কেনেদৰে আগবাঢ়িব, সেই সম্পৰ্কে লিখিবলৈ চেষ্টা কৰিলোঁ। আশাকৰোঁ নতুনকৈ মিউচুৱেল ফাণ্ডত বিনিয়োগ কৰিব বিচৰাসকল উপকৃত হব, ধন্যবাদ।

FAQs

মিউচুৱেল ফাণ্ডত বিনিয়োগ কৰাটো সুৰক্ষিত হয়নে?

সুৰক্ষিত, কাৰণ মিউচুৱেল ফাণ্ড SEBI ৰ তত্বাৱধানত থাকে আৰু মিউচুৱেল ফাণ্ড সমূহ অভিজ্ঞ ফাণ্ড মেনেজাৰে পৰিচালনা কৰে বাবে আমি সুৰক্ষিত বুলিব পাৰো।

মিউচুৱেল ফাণ্ডত বিনিয়োগ কৰিবলৈ কেনেকৈ আগবাঢ়িব?

মিউচুৱেল ফাণ্ডত বিনিয়োগ কৰিবলৈ ন শিকাৰু সকলে Groww, Angel One, Zerodha, Upstox, Dhan ইত্যাদি এপ্লিকেচনত ডিমেট একাউণ্ট খুলি আগবাঢ়িব লাগিব।

Index মিউচুৱেল ফাণ্ড কি হয়?

Index মিউচুৱেল ফাণ্ড হৈছে ভাৰতৰ শ্বেয়াৰ বজাৰৰ Nifty50, Sensex ইত্যাদিৰ Index অনুসৰণ কৰে। Nifty50 ত ভাৰতৰ ১৩ টা খণ্ডৰ ডাঙৰ ডাঙৰ ৫০ টা কোম্পানী অন্তৰ্ভুক্ত হৈ আছে। Nifty50 NSE ৰ সূচাংক আৰু Sensex BSE ৰ সূচাংক। Sensex ত ভাৰতৰ ৩০ টা ডাঙৰ ডাঙৰ কোম্পানী অন্তৰ্ভুক্ত হৈ আছে। Sensex, Nifty50 ইত্যাদি যেনেকৈ আগবাঢ়িব বা কিবা কাৰণত নিম্নগামী হলে, তেতিয়া সেই Nifty50, Sensex Index মিউচুৱেল ফাণ্ডও সেই ধৰণে গতি কৰিব।

মিউচুৱেল ফাণ্ডত বিনিয়োগ কৰিলে ৰিটাৰ্ন পোৱাটো নিশ্চিত হয়নে?

নিশ্চিত নহয়, কাৰণ মিউচুৱেল ফাণ্ড বা অন্য কোনো শ্বেয়াৰত বিনিয়োগ কৰিলে অতীতৰ প্ৰদৰ্শন ভৱিষ্যতৰ গেৰাণ্টি নহয়, কিন্তু ভাৰতৰ অৰ্থনীতি যেনেকৈ উত্থান হব তেনেকৈ মিউচুৱেল ফাণ্ড, শ্বেয়াৰ বজাৰ ইত্যাদি আগবাঢ়ি যাব কিন্তু অৰ্থনীতি পতন ঘটিলে শ্বেয়াৰ বজাৰ, মিউচুৱেল ফাণ্ড ইত্যাদিও নিম্নগামী হব।

মিউচুৱেল ফাণ্ডৰ AMC ৰ কাম কি?

AMC অৰ্থাৎ Asset Management Company । AMC কোম্পানীসমূহ SEBI ৰ দ্বাৰা পঞ্জীয়নভুক্ত। মিউচুৱেল ফাণ্ডৰ AMC কোম্পানী সমূহে বিনিয়োগকাৰীৰ টকা সমূহ অভিজ্ঞ ফাণ্ড মেনেজাৰৰ দ্বাৰা পৰিচালনা কৰি বিনিয়োগকাৰীক আয় দিবলৈ চেষ্টা কৰে আৰু বিনিয়োগকাৰীৰ সামান্য টকা প্ৰতিষ্ঠান সমূহে মাচুল হিচাপে গ্ৰহণ কৰে। উদাহৰণ স্বৰূপে কেইটামান AMC কোম্পানী হৈছে - Axis Mutual Fund, ICICI Prudential Mutual Fund, Nippon India Mutual Fund, Kotak Mahindra Mutual Fund, HDFC Mutual Fund, UTI Mutual Fund, SBI Mutual Fund