কাহিনী মোৰ

✍ ৰিতুৰাজ বৰুৱা

সপোন সপোন যেন লগা

সুখ-দুখ আনন্দেৰে ভৰা কাহিনী মোৰ।

কোনো কাল্পনিক গল্পৰ দৰে

তোমাৰ মায়াৰে সজালা কাহিনী মোৰ।

মৰম, ভালপোৱা, যতন, সন্মানৰ

তোমাৰ পৰশে জীপাল কৰিলা কাহিনী মোৰ।

প্ৰথম মিলনৰ সুবাসেৰে

সুগন্ধিময় কৰিলা কাহিনী মোৰ।

মৌ-মিঠা তোমাৰ কথাৰে

তুমিয়েই ৰচিলা কাহিনী মোৰ।

তোমাৰ ভালপোৱাৰে, 

তুমিয়েই বুজালা

এই প্ৰেমৰ কাহিনী মোৰ।

বন্ধ চকুৰে নিগৰা চকুলো ধৰি

হাঁহিময় কৰিলা কাহিনী মোৰ।

মৰমহনা ধীৰ গতিৰ তোমাৰ আগমনে

মৰম দি উপচালা কাহিনী মোৰ 

হৃদয়ত থিতাপি লৈ লাহে লাহে

মোৰ জীৱনক শিৰোনাম দিলা

কাহিনী মোৰ ...